ده زمن يوم ما يصدق.. كداب

خالد كساب



ده زمن يوم ما يصدق.. كداب



الأبنودى

 

إذا جاك الموت يا وليدى

موت على طول
اللى اتخطفوا فضلوا أحباب
صاحيين فى القلب
كإن ماحدش غاب
واللى ماتوا حتة حتة
ونشفوا وهم حيين
حتى سلامو عليكم مش بتعدى
من بره الأعتاب
أول مايجيك الموت.. افتح
أول ماينادى عليك.. اجلح
إنت الكسبان
اوعى تحسبها حساب
بلا واد.. بلا بت
ده زمن يوم ما يصدق.. كداب
سيبها لهم بالحال والمال وانفد
اوعى تبص وراك
الورث تراب
وحيطان الأيام طين
وعيالك بيك مش بيك عايشين
يوووه يا زمان
مشوار طولان
واللى يطوِّله يوم عن يومه يا حبيبى.. حمار

 

11 أبريل 1938- 21 أبريل 2015

 


أقرأ أيضا